Tel:+355 4 2340 339
“Farmaci Daja” që në fillimet e saj organizoi punën për funksionimin e laboratorit galenik. U krijua një ambient i veçantë në farmaci, i pajisur me të gjithë pajisjet e nevojshme dhe me rreth 60 lëndë të para e ndihmëse. Gradualisht, me kalimin e viteve u rritën kapacitetet, për t’iu përgjigjur kërkesave gjithnjë në rritje për përgatitje galenike.
Sot, në laboratorin tonë jemi në gjëndje të përmbushim kërkesat e ndryshme të shumë mjekëve specialistë, në bazë të recetës mjekësore dhe të përgatisim forma të ndryshme farmaceutike si pomada, kremra, tretësira ujore dhe alkoolike, ovule, supozitorë, mbushje kapsulash, përgatitje solucionesh sipas kërkesave të laboratorëve të analizave etj.
Tashmë disponojmë rreth 170 lëndë të para dhe ndihmëse si kortizonikë, antibiotikë, antimykotikë, antihistaminikë etj.
Puna jonë mbështetet në literaturën bashkëkohore e në formularin farmaceutik. Punojmë me korrektesë e saktësi, si në përgatitjen e formave magjistrale, të përshkruara nga mjekët specialistë ashtu edhe në përgatitjen e formave oficinale, që mund t’i gjeni në çdo kohë pranë farmacive tona. Ndër to përmendim: pomadën për të porsalindur që përdoret gjërësisht dhe vjen në dy forma; për përdorim të përditshëm në parandalimin e skuqjes dhe pomada në rast të irritimeve të lehta e pasuruar me oksid zinku.
Gjithashtu përmendim kremin ushqyes për fytyrën, pomadën kundër strijave, pomadën anti-hemorroidale, pomadën për thembra, pomadën anti-decubitus për plagët te personat që qëndrojnë shtrirë, solucionin alkoolik kunder akneve, solucionin kundër kallove e plot të tjera.
Për më shumë informacion, në lidhjet me përgatitjet dhe shumëllojshmërinë e tyre ju ftojmë t’i drejtoheni stafit tonë.